ការប្រើប្រាស់គោលវិធីលំនាំបង្រៀនសកម្មភាព ខ្ញុំធ្វើ យើងធ្វើ អ្នកធ្វើ ដើម្បីជួយសិស្សក្នុងការអានស្ទាត់លើមុខវិជ្ជាភាសាខ្មែរ

Abstract

ការលើកកម្ពស់ផ្នែកអំណានសម្រាប់កុមារកម្ពុជាជាកត្តាលីករមួយជួយជំរុញដល់ប្រព័ន្ធអប់រំ មានភាពប្រសើរឡើងជាងមុន។ ដោយមើលឃើញពីអត្ថប្រយោជន៍នៃការអាន ក្នុងអំឡុងកម្មសិក្សា គរុកោសល្យបានសង្កេតឃើញបញ្ហាមួយសិស្សថ្នាក់ទី៣ លទ្ធភាពក្នុងការអានមានកម្រិតទាប វាជា ផលលំបាកមួយ ព្រោះពួកគេមិនអាចឈានដល់ការយល់ន័យនៃអត្ថបទដែលបានអានរួច។ ប្រធាន បទស្រាវជ្រាវមួយនេះបង្កើតក្នុងគោលបំណងដើម្បីធ្វើការប្រៀបធៀបការអានស្ទាត់របស់សិស្ស ក្រោយពេលពួកគេទទួលបានការអនុវត្តគោលវិធីលំនាំបង្រៀន នការអនុវត្តគោលវិធីលំនាំបង្រៀនសកម្មភាព ខ្ញុំធ្វើ យើងធ្វើ អ្នកធ្វើ ជាមួយនិងគោលវិធីលំនាំបង្រៀនសកម្មភាពត្រាប់តាម។ ការសិក្សាស្រាវជ្រាវនេះតាមបែបបរិមាណវិស័យធ្វើការពិសោធទៅលើសិស្សពីរក្រុមនៅ កម្រិតថ្នាក់ទី៣ នៃសាលាបឋមសិក្សាពោធិវង្ស ខេត្តបាត់ដំបង។ សំណាកដែលចូលរួមសរុប ៥២ នាក់ស្រី១៨នាក់។ ការស្រាវជ្រាវនេះមានការដាក់តេស្តដើមកាល និងតេស្តចុងកាល ព្រមទាំង បង្កើតកម្រងសំណួរកម្រិតពេញចិត្តលើសកម្មភាពបង្រៀន ខ្ញុំធ្វើ យើងធ្វើ អ្នកធ្វើ ដើម្បីប្រមូលទិន្ន ន័យ។ លទ្ធផលក្នុងធ្វើតេស្តអានស្ទាត់បានបង្ហាញថា ក្រុម ខ្ញុំធ្វើ យើងធ្វើ អ្នកធ្វើ មានពិន្ទុខ្ពស់ជាង ក្រុម ត្រាប់តាម។ ពោលគឺប្រសិទ្ធភាពការអានស្ទាត់របស់ក្រុម ខ្ញុំធ្វើ យើងធ្វើ អ្នកធ្វើទទួលបាន៦៦% រីឯក្រុម ត្រាប់តាម ទទួលបាន៥០%។ លទ្ធផលកម្រងសំណួរស្ទង់មតិលើក្រុមពិសោធន៍ទទួលបាន ៩១.៨%។ តាមរយៈលទ្ធផលខាងលើយើងអាចសន្និដ្ឋានបានថា លោកគ្រូអ្នកគ្រូ គរុសិស្ស-និស្សិត ឪពុកម្តាយ អាណាព្យាបាលសិស្សអាចយកគោលវិធីលំនាំបង្រៀនសកម្មភាព ខ្ញុំធ្វើ យើងធ្វើ អ្នកធ្វើ ទៅអនុវត្តន៍បានក្នុងការជួយជម្រុញឱ្យកុមារមានលទ្ធភាពអានបានស្ទាត់ជំនាញ។ ប្រសិនបើបញ្ហា ត្រូវបានដោះស្រាយទៅលើការអានស្ទាត់របស់សិស្សរួចរាល់តាំងពីកម្រិតបឋមសិក្សា កុមារឆ្លងភូមិសិក្សាពួកគេអាចទទួលបានចំណេះដឹងពេញលេញបន្ថែមទៀត។ នៅពេល i