ថ្នាក់ទី១២៖ រូបវិទ្យា

What is this book about?

សៀវភៅរូបវិទ្យាថ្នាក់ទី១២ នេះជាសៀវភៅសិក្សាសម្រាប់សិស្សមធ្យមសិក្សាទុតិយភូមិ ដែលគណៈកម្មការនិពន្ធបានសរសេរស្របតាមកម្មវិធីសិក្សាថ្មី ដែលរៀបចំក្នុងសិក្ខាសាលាអភិវឌ្ឍកម្មវិធីសិក្សានៅប្រទេសជប៉ុន។ មេរៀនត្រូវបានចែកជាជំពូកធំៗ គឺទែម៉ូឌីណាមិច រលក អគ្គិសនីនិងម៉ាញេទិច និងរូបវិទ្យាទំនើប។ ជំពូកទែម៉ូឌីណាមិចសិក្សាទ្រឹស្ដីស៊ីនេទិចនៃឧស្ម័ន ច្បាប់ទី១ នៃទែម៉ូឌីណាមិច និងម៉ាស៊ីនកម្ដៅ ចំណែកជំពូករលកពន្យល់ពីរលកជញ្ជ្រំ អាំងតែផេរ៉ង់ និងឌីប្រាក់ស្យុង ហើយជំពូកអគ្គិសនីនិងម៉ាញេទិចរួមមាន ដែន និងកម្លាំងម៉ាញេទិច អាំងឌុចស្យុង សៀគ្វីចរន្តឆ្លាស់ និងរលកអេឡិចត្រូម៉ាញេទិច។ មេរៀននីមួយៗចាប់ផ្ដើមដោយវត្ថុបំណង មានឧទាហរណ៍ដែលបញ្ចូលខ្នាតទៅក្នុងការគណនាតែម្ដង ហើយបញ្ចប់ដោយមេរៀនសង្ខេប និងលំហាត់ ចំណែកចុងជំពូកនីមួយៗមានសំណួរ និងលំហាត់រំឭក។ សៀវភៅនេះសម្រាប់សិស្ស និងលោកគ្រូអ្នកគ្រូ មាន ២៥៧ ទំព័រ ហើយអាចអាន និងទាញយកដោយឥតគិតថ្លៃ។