សិក្ខាសាលាស្តីពី «ការផ្សារភ្ជាប់រវាងការស្រាវជ្រាវអប់រំ និងសហគមន៍»

សិក្ខាសាលាស្តីពី «ការផ្សារភ្ជាប់រវាងការស្រាវជ្រាវអប់រំ និងសហគមន៍»

នារសៀលថ្ងៃទី២៧ ខែសីហា ឆ្នាំ២០២៦ វិទ្យាស្ថានគរុកោសល្យរាជធានីភ្នំពេញ (PTEC) បានរៀបចំសិក្ខាសាលាស្តីពី «ការផ្សារភ្ជាប់រវាងការស្រាវជ្រាវអប់រំ និងសហគមន៍» សម្រាប់និស្សិតថ្នាក់បរិញ្ញាបត្រជាន់ខ្ពស់ឯកទេសការអប់រំបឋមសិក្សា ដែលមាន បណ្ឌិត Tony Capstick អ្នកជំនាញផ្នែកភាសាវិទ្យាអនុវត្ត និងការស្រាវជ្រាវអប់រំ នៃសាកលវិទ្យាល័យរីដឌីង (University of Reading) ចក្រភពអង់គ្លេស បានអញ្ជើញជាវាគ្មិនកិត្តិយស ក្នុងការចែករំលែកចំណេះដឹង បទពិសោធ និងបច្ចេកទេសស្រាវជ្រាវថ្មីៗ។

គោលបំណងសំខាន់ៗនៃសិក្ខាសាលា

សិក្ខាសាលានេះមានគោលបំណងផ្ដល់ជូនបន្ថែមដល់និស្សិតនូវចំណេះដឹង បំណិន និងឥរិយាបថស្រាវជ្រាវ ដោយផ្ដោតលើចំណុចសំខាន់ៗរួមមាន៖

1. ស្វែងយល់ពីគោលបំណង និងវិធីសាស្ត្រនៃការស្រាវជ្រាវក្នុងសហគមន៍
2. ស្វែងយល់ពីតួនាទី និងការចូលរួមរបស់អ្នកស្រាវជ្រាវសហគមន៍
3. ផ្សារភ្ជាប់គម្លាតរវាងគ្រឹះស្ថានសិក្សា និងសហគមន៍